ٹرسٹ انٹرنیشنل کے چیئرمین انصار برنی نے پاکستان میںدہشت گردی کی موجودہ
لہر، وزیرستان میں دہشت گردوں کےخلاف جاری آپریشن اور دہشت گردی سے
متاثرہ افراد کی بحالی کے لئے انصار برنی ٹرسٹ کی جانب سے جاری امدادی
سرگرمیوں کے پیش نظر اپنے تمام غیر ملکی دورے، بشمول بھارت کا دورہ بھی
ملتوی کر دیا ہے۔
سابق وفاقی وزیر برائے اسانی حقوق انصار برنی ایڈووکیٹ کو اتوار 25
اکتوبر کی دوپہر نئی دہلی روانہ ہونا تھا،جہاں انہیں ایک سیمینار سے
خطاب سمیت بھارت کی مختلف بار ایسوسی ایشنز اور این جی اوز کی جانب سے
تقریبات سے خطاب اور انصار برنی ٹرسٹ انٹرنیشنل کی انسانی حقوق کے لئے
جاری بین الاقوامی خدمات کے اعتراف کے طور پر دیئے جانے والے ایوارڈز
وصول کرنے کی غرض سے بھارت کے مختلف شہروں میں جانا تھا۔ لیکن موجودہ
ملکی دہشت گردی کی صورتحال کے پیش نظر انصار برنی نے اپنا دورہ بھارت
ملتوی کر کے پاکستان میں ہی رہتے ہوئےانسانی حقوق کی بگڑتی ہوئی صورتحال
کو بہتر بنانے کے فیصلے کے پیش نظر اپنے تمام غیر ملکی دورے ملتوی کر
دیئے ہیں۔
انصار برنی ایڈووکیٹ نے اس موقع پر کہا کہ اس وقت قوم کو، انسانیت اور
انسانی حقوق پر یقین رکھنے والے اداروں اور افراد کو متحد کر کے دہشتگردی
اور دہشت گردی کے خلاف نبردآزما ہو جانا چاہیئے، جبکہ انصار برنی ٹرسٹ
دہشتگردی سے متاثرہ افراد سے یکجہتی اور ان کی امداد کے لئے ہمیشہ کی طرح
کوشاں رہے گا۔
انصار برنی نے کہا عوام کو مصیبت کی اس گھڑی میں صوبائیت، لسانیت اور
فرقہ واریت سے چھٹکارہ حاصل کرتے ہوئے ایک متحد قوم کی صورت دہشت گردوں
کے خلاف سیسہ پلائی دیوار کے طور پر ابھرنا چاہیئے۔
انصار برنی
چیئرمین انصار برنی ٹرسٹ انٹرنیشنل۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
No comments:
Post a Comment